Latest News

Chapchar Kut hlut dan ngaihtuah a tul

Image
Mizo ten Kut chi thum kan neih zinga tun thleng kan la hmanlar ber Chapchar Kut chu kumdang ang bawkin kan lo hmang zo leh ta a, kumin hian Serchhip bikah chuan thil thar leh danglam lutuk awm lovin mipui ten an beisei thin ang ngeiin ‘Phullem chung ah’ Chapchar Kut hi kan hmang a, kan Mual in min dawl zoin kumdang-a harsatna kan tawh thin tam tak kan tawk lo thung niin a lang a, mipuite pawhin kan Phullem kan roh in kan dimdawi hle a, hetiang bawk hian sawrkar in mipuite tana hmasawnna hna a thawh te hi neitu rilru pu in enkawl ila, a tichhetu ni lo a a venghimtu kan nih zui zel hi a tul hle a ni.

RMSA Serchhip District bultumin Serchhip-ah High School zirlaite tan ‘KALA UTSAV’ hman a ni

Rashtriya Madhyamik Shiksha Abhiyan (RMSA) Serchhip District buatsaih Serchip District Level KALA UTSAV (Art Festival) chu nimin khan BNRGSK Hall, Serchhip-ah neih a ni a, he hun hi Serchhip DEO, Lawmawma chuan khuallian ni hmanpuiin zirlai ten Hnam Lam, Music, Lemziak leh Lemchan-ah te intihsiakna an nei a ni.
Serchhip District Level KALA UTSAV hi RMSA Serchhip District Deputy DPC, PC. Vanlalluna chuan kaihruaiin he hun Khuallian nia hmanpuitu Lawmawma, RMSA-a DPC ni bawk chuan KALA UTSAV chu kumtin neih \hin a nih thu leh District Level-a ti\ha ten State Level-ah intihsiakna nei lehin chuta ti\hate chuan National Level-ah intihsiakna an neih leh \hin thu a sawi a. National Level-a intihsiakna a tel chu zirlaite tan an khawhawi tihzauhna leh an zirna-a hma an sawn nana thil \angkai a nih thu a sawi bawk. DEO chuan zirlaite tan Hindi thiam a pawimawh thu pawh sawiin, India rama cheng kan nih avangin kan \awng hman pui ber Hindi thiamlo tan chuan Mizoram kan pelh a\anga harsatna kan tawh \hin thu a sawi a, English thiam chu \angkai hle mah se India ram ah chuan English thiam ngawt duh duhtawk lova Hindi thiam tel a pawimawh tih hre reng turin zirlaite chu a chah bawk.
Nimin a KALA UTSAV-ah hian thupui atan ‘Ek Bharat, Shreshtha Bharat’ tih chu hman a ni a, he hunah hian zirlai ten Mizo Hnam lam, Mizo rimawi tum, lemziak leh lemchan ah te intihsiakna neiin Mizo Hnam lam-ah Eklavya Model Residential School Serchhip chu pakhatna niin Mizo Rimawi tum-ah Marian High School Serchhip chu pakhatna an ni a. Lemziak-ah leh Lemchan ah St. Peter’s High School Chhingchhip chu pakhatna niin Lemchan-a pakhatna te hi Mizoram aiawhin nakum January thlaa Bhopal-a rampum huap intihsiakna ah an kal leh dawn a ni.
Nimin a KALA UTSAV-ah hian Marian High School, Serchhip; Eklavya Model Residential School Serchhip; Govt. Bungtlang High School; Govt. East Lungdar High School leh St. Peter’s High School, Chhingchhip te an tel a ni.

Comments

Popular News (Last 30 Days)