MNF Party in Serchhip leh hmundang ah Exodus Day vawi 54-na an hmang
MNF Party chuan nimin khan ‘Exodus Day’ vawi 54-na hmangin he ni hi hmun hrang hrangah urhsun taka hman a ni.
Posts
Latest News
YMA Office kharna neiin Krismas thilpek sem a ni
Sub-Hqrs. YMA Serchhip chuan nimin khan kumin atana an Office kharna hun hmangin Serchhip District chhunga damdawi In leh Home hrang hrang 17-ah Krismas thilpek an sem bawk.
Ganja gram 133.85 man
Serchhip-a Excise & Narcotics Department te chuan nizan hmasa khan Serchhip Chanmari Veng-ah Ganja ni ngeia hriat gram 133.85 a rit an man a, a neitu nia hriat Lallawmzuali, Lower Chanmari nia insawi pawh man nghal a ni bawk. Thudawn danin heng Ganja te hi Plastic thutthleng hniam ke chhungah thuhruk a ni.
Thawhhona sawifiah
MNF Vice President leh Leader of Opposition Lalchhandama Ralte chuan nimin khan Aizawl-a Mizo Hnam Run-ah Lai District Council inthlanah an duh ber danin thil a thleng lo tih sawiin, “Lai ram mipuiin sawrkar a din ngei an mamawh si a, ZPM nen kan thawkho dawn ta a ni,” a ti a. “Hei hian State-ah ZPM nen kan thawkho tih a kawk lo a, an thiltih dik loh hrang hrangte kan la puang chhuak zel dawn a, kan la bei dawn chauh a ni,” a ti a. “MNF mi leh sa zawng zawngte thil tha a thlen theihna tur leh thil tha lo dona tur chuan timna nei lo turin ka chah a ni,” a ti bawk.
Solar Market Shed hawng
Mizoram-a Solar Market Shed hmasa ber tur chu nimin khan Rural Development & Administration Department Minister Prof. Lalnilawma chuan a Bial chhunga Seling leh Keifang-ah a hawng a, a hmangtu tur ten an tangkaipui ngei a beisei thu a sawi bawk. Market Solar Lighting leh Rubber Farmer te Solar Lighting sem hi SELCO Foundation leh MLA Fund hmanga hmalakna a ni a, Ni zung hmanga kawlphetha pek tur Seling leh Keifang-a Market Shed hian Bazara chawhmeh zuarte chu khawlum-ah lum lutuk lova fan hmang thei leh zan lam pawh rei zawk dawr nghak theia sum tam zawk an lakluh phah theih beisei a ni.
Krismas hmain Tar pension pekchhuah tum a ni
Social Welfare, Women & Child Development Department Minister Lalrinpuii chuan Krismas hmain Tar Pension-ah State Contribution bik chu sem fel tura hma an lak thu a sawi.
MUHCS hnuaiah mi 59,602 enkawl ni tawhin Cheng vbc. 100 vel hman a ni tawh
Kumin April ni 1 atanga nimin, December 16, 2025 thleng khan Mizoram Universal Health Care Scheme (MUHCS) hnuaiah mi 59,602 enkawl an ni tawh a, hemi atan hian Sawrkar chuan cheng vbc. 100 vel a seng tawh a, Health Minister Lalrinpuii chuan MUHCS chu a hlawhtling chho viau tawh nia an hriat thu a sawi.