West Phaileng Centenary lawmna MLA hovin nei

West Phaileng khua chuan nimin khan an kum 100 tlinna, Centenary lawmna chu West Phaileng-a GSA Playground-ah hmangin he hun hi Bialtu MLA, Dr. R. Lalthangliana chuan khuallian niin a hmanpui a, Centenary lungphun hawngin Souvenir a tlangzarh nghal bawk. West Phaileng Centenary lawmna hunah hian Dr. R. Lalthangliana chuan an Bial chhungah khaw upa leh hlun tak tak a awm nual tih sawiin, “Kan pipute leh hranghlui te sulhnu hlu leh ropui tak takte kan chhuichhuah a, kan vawnthat a tul a. Kan seilenna hmun hian kan nun leh kan hunah nghawng a nei thin a. Chuvangin, kan seilenna ngaihlu ila, hmasawn zel turin mawhphurhna kan nei tih i hrethar ang u,” tiin kalkhawmte a fuih bawk.

West Phaileng Centenary lawmna hi nizan khan neih chhunzawm niin Vawiin ah hman chhunzawm leh a ni bawk ang.