Poetry Festival 2025 hmang

State Council of Educational Research and Training (SCERT) Mizoram buatsaihin nimin khan Aizawl-a SCERT Auditorium-ah ‘Poetry Festival’ hman a ni a, he Festival hi kum 2011 atang khan kumtin hman niin kumin hi a vawi 14-na a ni a, School 11 atangin zirlai 60-ten poetry inziah-siakna an nei a ni. He intihsiakna ah hian a pumpui ah William Lalchhanchhuaha, Class XII (Arts), Helen Lowry HSS chu pakhatna niin Linzy Malsawmkimi, Class XI (Science), Mount Carmel HSS chu pahnihna a ni a, Lalmawizuali, Class XI (Science), St. Paul’s HSS chu pathumna a ni bawk.