CTP Inkhawmpui neih a ni

Mizoram pum huap Catholic Thalai Pawl Inkhawmpui vawi 21-na chu nimin Pathianni hmang khan Lawngtlai-a St Francis Xavier Parish-ah neih a ni a, Aizawl Bishop Most Rev. Stephen Rotluanga chuan a hmanpui a ni. He Inkhawmpui ah hian Ningani khan Rorel Inkhawm neih tan niin Inrinni khan Cultural Day hman a ni a, Central Young Lai Association ah Oxygen Concentrator leh YLA Branch sawm (10) te tan Gas Stove an pe a, Inkhawmpui thlengtu Vengpui leh New Vengpui Branch YLA te tan plastic thutthleng an hlan a. Lawngtlai khawpuia miharsate thlanbik chhungkaw panga (5) te tan Krismas chibai bukna thil pek a ni bawk.