PC Party in kumin atan an Office an khar

PC Party chuan kumin atan Aizawl-a an party Office chu nimin khan kharin nakum January 15-ah an hawng leh ang.

    PC Party Office kharna hunah hian an President Vanlalruata chuan Mizoram sum dinhmun that theih loh dan sawiin, kumin budget-ah hian 17.47% chiah hmasawnna hnathawhna anih thu leh hetiang vel hi kan dinhmun anih reng thu a sawi a. Hetiang anih lai hian sawrkar hnathawk hlawh leh hamthatna atan 47.06% hman anih thu a sawi a. Sawrkar hnathawk hlawh pun tura Central in hma a lak mek thu sawiin, “Tuna a lan danah sawrkar hnathawk hlawh hi a let 2.46 velin a sang dawn niin a lang a. Hetiang hian a kal tak tak anih chuan kan State Budget in sawrkar hnathawk hlawh a daih dawn lo a ni,” a ti a. Hetiang taka sum dinhmun chhia hi siamthat anih theihnan sawrkar ruhrel siamthat a suihtet ngei ngei a ngaih thu te, sum tam zawk sawrkarin a neih theihnan leh Zu chhe lutuk in avanga nunna tam tak kan chan reng tihtawpnan awmze neia Zu siam leh zawrh mai a tula a lan thu a sawi bawk.