February thla atangin Hmunphiah lei tan tum a ni

Mizoram sawrkar chuan kumthar February thla atangin Hmunphiah a lei tan dawn a, a ro tha chauh a lei dawn nia tarlan a ni.

Mizoram Agricultural Marketing Board (MAMB) chuan kum 2026-27 chhunga kut hnathawktute tharchhuah Hmunphiah chu lei leh nise a ti a, a lei tur hian Mizoram Handloom & Handicrafts Development Corporation Ltd. (ZOHANDCO) chu a ruat nawn leh a, ZOHANDCO hian tun tumah hian Hmunphiah hi thliar loh (ungraded) a lei dawn a, a ro tha chauh a lei dawn a. Secondary Collection Centre hrang hrangah kg 1-ah Rs 80 in a lei dawn a. Hmunphiah lei turte hi ZOHANDCO Official duty-ten an endik thin dawn a ni. Hmunphiah te hi Secondary Collection Centre hrang hrang – Sakawrdai, Saitual, Marpara South, Marpara North, West Phaileng, Bilkhaw-thlir, Saipum, Mamit, Tlabung/Tiperagath, Lungsen, Thenzawl leh Vairengte-ah te a lei dawn a. Society kaltlang chauha lei tur a ni dawn a, Society kaltlang loin mimal ta lei a nih dawn loh avangin Society-a inziaklut vek turin an ngen a ni.

Hmunphiah leina man hi Society Bank Account kaltlanga inpek vek tur a ni a, mimal Bank Account hmanga Hmunphiah man inpek hi ZOHANDCO chuan pumpelh a duh a, loh theih lohna avanga Society-in mimal Bank Account an hmang dawn a nih chuan Society Members Meeting resolution an thil tel a tul dawn a ni.