Serchhip District-ah Bharat ko Janno hman a ni

Serchhip District chhunga Bawktlang leh North Vanlaiphai khua ah ‘Border Area Meet & Bharat ko Janno - a Chain Yatra Programme’ hman a ni.
Sawrkar laipui-a Ministry of Culture leh Mizoram sawrkar-a Art & Culture Department te buatsaih ‘ Border Area Meet & Bharat ko Janno - a Chain Yatra Programme’ hi niminpiah khan Bawktlang khua ah hman niin nimin khan North Vanlaiphai-ah hman leh a ni a, Bawktlang khuaa hun hman hi Serchhip Addl. SP H. Lalduata chuan hmanpuiin nimin-a North Vanlaiphai-a hun hman hi SDO (Civil) Dr. Peter Malsawmtluanga chuan a hmanpui a, he hunah hian hnam ziarang humhalh a pawimawh thu sawiin, hmasawn zawnga hmalam pen zel turin kalkhawmte a chah a, State danga kan unaute nen kan hnam zia leh chin dan te hnam hrang hrangte kan inhrilhtawnna hun a ni tih hriaa hmang tangkai turin a chah a ni.

Bharat ko Janno hi Discover Northwest hming puin kum 2006 khan hman tan a ni a, Mizoram-a District hrang hrangah hetiang hun hi vawi 8 an huaihawtna niin ram leh hnam inpumkhatna atan programme pawimawh tak a ni a. Serchhip District chhung khaw pahnih-a hun an hman ah hian Mizoram pawn - Assam, Madhya Pradesh, Manipur leh Nagaland atangte in Cultural Artiste member 46 an rawn tel a, Bawk-tlang leh North Vanlaiphai-a YMA Branch 5 leh Joint YMA North Vanlaiphai ten Mizo lam chi hrang hrangte an entir bawk a ni.