OKM Home-ah ‘Pangthianga Building’ hawn a ni

Zonuna Kawlni /

Social Welfare Minister Lalrinpuii chuan nimin khan Phunchawng a Operation Kingdom Ministry Home-ah ‘Pangthianga Building’ a hawng.

OKM Home (Rehabilitation Centre & Homeless Shelter)-a Building thar hawnna ah hian Social Welfare Minister chuan Mizoram leh phai lama ngawlvei enkawl dan a danglam thu sawiin, Pathian rinchhana ruihhlo enkawl damte dam dan chu a chian bik thu a sawi a. Ngawlveina atanga chhuak tawh Pathian rawngbawlna lama kal ta te pawh sawi tur an awm nual thu a sawi a. Home-a awm mek te chu ‘Tum’ neia awm a that thu hrilhin, Home-a awmte pawh Skill Training neih an duh phawt chuan LESDE hnuaiah a zir theih thu a sawi a, Social Welfare Department kaltlangin Hand Holding Scheme hnuaiah pawh kawng a awm thu a sawi a. Helai hmuna Pangthianga Building satu, Lalengmawii Pachuau te chhungkua chu midangte tanpui thei tura an thawhrim tur zia sawiin, taimakna bakah pawisa hman thiam a tul thu te a sawi bawk a. Kan hmaa lo thleng tur Krismas-ah thinlung taka Isua Krista kan fak theihna turin sual lamah niloin tha lama rilru pe turin a sawm a. Duhna tak tak nena Isua rawngbawl tura an inpek chuan a la tlai lo a, Pathian in kawng hrang hrangah nasa takin mal a sawm ang tih a sawi bakah Mizoram-a ruihhlo do kawngah Social Justice and Empowerment Union Minister leh ‘Doctors without Borders’ te pawh thawhpui an tum thu a sawi bawk.

He hun hi OKM Advisory Board Chairman Rev. K. Lalpiangthara chuan kaihruaiin Rev. Lalzuithanga’n Building hlanna hun a hmang a. Building donate tu, Lalengmawii Pachuau te chhungkaw lam atangin thu an sawi bawk.

Comments

Post a Comment

I ngaihdan i sawi hian mipui ngaihdan i tarlang a ni!

Popular News (Last 30 Days)

Kawng siam dawn hnai

Zonuna Kawlni /
Image
National Highway-02 siam a nih hnuah he kawngpui in Serchhip Town chhunga a paltlang tawh loh, Chhiahtlang leh Serchhip khawpui chhung kawngpui siamthat hna chu PWD Serchhip Division ten an thawk dawn hnai nia thudawn niin hemi atan hian sum pawh ruahman a ni tawh nia thudawn a ni a. Tun tumah hian khawpui chhung paltlangtu Kikawn leh Sailiamkawn inkar chu Bituminous concrete a siam tum niin kawng siam hi zawhfel a nih hnuah chuan thla ruk (6) chhung Road cutting phalna pekchhuah a ni dawn lo a ni. Tun tuma kawng siam hna thawh turah hian New Serchhip North VC huamchhunga kawng kual nasa lutuk chu paih turin ruahmanna siam a ni bawk nia thudawn a ni.
Kimchang zawkin »

SEDBA hruaitu an thlang

Zonuna Kawlni /
Image
Serchhip District Boxing Association chuan kum 2026-2028 chhunga an hruaitu thlanna neiin President-ah C. Biakchhawna (New Serchhip) Sr. Vice President-ah BC. Liantluanga (Tuikhuah Veng); Vice President-ah R. Vanlalpeka (Vengchung), Secretary-ah David Laldintluanga (New Serchhip) Joint Secretary-ah T. Lalhuthanga (New Serchhip) leh V. Zosangliana (Leisang Veng); Treasurer-ah Prem Lalhmangaiha (Chanmari Veng) leh Fin. Secretary-ah David Lalrinmawia (P&E Veng) te thlan an ni.
Kimchang zawkin »

DIET Serchhip ten an titha

Zonuna Kawlni /
Image
Mizoram Board of School Education (MBSE) chuan nikum (2025) December thlaa Diploma in Elementary Education (D.EI.Ed) Examination a buatsaih result chu niminpiah khan a tichhuak a. District Institute of Education and Training (DIET) Serchhip-a Training mek te pawh an tha thawkhat a ni. DIET Serchhip atang hian 1st Semester-ah zirlai 48 ten Exam beiin mi 39 an pass a, a za zela 81.25 pass ang niin zirlai 9 ten Subject bat an nei a. 3rd Semester-ah zirlai 49 ten exam beiin an vaiin an pass vek thung a ni.
Kimchang zawkin »