Mizoram lui lian pathum-ah hmalak a ni dawn tih a sawi

Union Minister of Ports, Shipping and Waterways Sarbananda Sonowal chuan Mizoram-ah luidunga inkalpawhna tha a awm theih nan Mizoram lui lian pathum (3)-ah hmalak a ni dawn tih a sawi.

‘India Maritime Week 2025’ puala hun hmanah Inland Waterways Authority of India (IWAI) leh Assam sawrkar bakah Private Company ten luidunga inkalpawhna tih hmasawnna tur project atana thawhdunna MoU an ziahna ah he thu hi sawiin Union Minister chuan Mizoram chu hmarchhak bial luidung hmasawnna ah a tel ve tih sawiin, hei hian danglamna nasa tak a thlen dawn tih a sawi a. Mizoram luidung zingah Tlawng lui leh Chhimtuipui chu zirchian mek ani tih sawiin, hmanraw bun nan Tlawng luiah cheng nuai 89 leh Chhimtuipuiah cheng vbc. 1.42 ruahman a ni tih sawiin, Lunglei District-a Khawthlangtuipui leh Tuichawng inkar inkalpawhna ah cheng vbc. 9.82 ruahman a ni a, he Project hian Lawng chawlhna hmun lian lo chi pahnih a huam tel dawn a ni.

Union Minister hian a Department chanah Review Meeting neiin hetah hian hmarchhak Bial-a tunhnaia Project lian hrang hrang 15 an thawh tur tarlan a ni a, heng zingah hian Mizoram ah Project 3 awmin a dang hi hmarchhak State hrang hrangah thawh tur a ni. Inland Waterways Authority of India leh Heritage River Journeys Pvt. Ltd. inremna ah hian luidung inkalpawhna tih hmasawn bakah heng Bial-a luidung bula mi cheng hrang hrang chhawr tangkai tur ngaihtuah sak te a ni a, zinmi te hmuh nuam tur hrang hrang chhawpchhuah te a tel bawk.