School Games-ah Serchhip District in Medal la

Mizoram Secondary School Games vawi 42-na chu nimin khan zawhfel niin Serchhip District pawhin infiamna hrang hrangah Medal an la.
Tunkar Thawhlehni atang neih Mizoram Secondary School Games vawi 42-na ah hian a pumpui-ah Aizawl District (North) chu pakhatna an ni a, Athletics (Girls)-ah Serchhip District chuan Gold 2 leh Silver pakhat lain Team Champion an ni a, Sarah Lalhmingmawii, Mt. Carmel H/S, Serchhip District chuan Gold pahnih lain Hmeichhe Best Athlete a ni. Badminton (Boys)-ah Serchhip District chu pathumna niin Badminton Individual Open (Boys)-ah Vanlalmalsawmzuala, Govt. J.M H/S, Serchhip chuan Gold a la a, Table Tennis (Boys)-ah Serchhip District hi pathumna niin Individual Open (Boys)-ah R.Lalruatmawia chu pahnihna niin Individual (Girls)-ah H. Lallawmkimi chu pathumna a ni bawk.