'No Vehicle Zone' siam dawn

Krismas leh Kumthar vuakvet lo thleng turah kum danga lo tih thin tawh angin Lirthei tlan phal lohna hun leh hmun, 'No Vehicle Zone' siam a ni leh dawn.

Mizoram Chief Secretary Khilli Ram Meena hovin niminpiah khan Core Committee on Traffic Management chu Chief Secretary Conference Hall-ah an thukhawm a, he hunah hian Krismas leh kumthar vuakveta Aizawl khawpui chhunga lirthei tlandan tur ngaihtuah ho niin December ni 23, 24 leh December 31 chawhma dar 10:30 atanga tlai dar 4:30-ah Aizawl Chanmari atanga Zodin Square thleng chu 'No Vehicle Zone' a puan a ni ang.

Aizawl Traffic Superintendent of Police in thupek a lo chhuah tawh angin, Aizawl khawpui chhunga lirthei intlanchhawkna tur kawngpui dungte chu thu leh awm hma chuan hman chhunzawm zel a ni ang.