Serchhip-a Cricket-ah AO3C te an Champion

Serchhip District Cricket Association buatsaih ‘HD. Lalhmachhuana & V. Lalnuntluanga Memorial Cricket Tournament’ khelh zawh takah AO3C chu an Champion.
SEDCA in an hruaitu boral mi pahnih te hriatrengna atana Cricket Tournament an buatsaih hi Inrinni khan Serchhip Sports Complex-ah khelh zawh niin AO3C chuan Tuikhuah CC chu run 85-a hnehin an Champion a. He inkhel ah hian AO3C hian vuak hmasak thlangin Overs 20-ah run 197 siamin Wicket 4 an hloh a, Tuikhuah CC hian vaw ve lehin Overs 16-ah run 107 siamin Wicket an hloh vek a, run 85 hi AO3C te hi an chak ta a ni. Final Match ah hian AO3C player Kangjam Suraj Singh chu ‘Man of the Match’ atan thlan a ni.

He Tournament-ah hian Kangjam Suraj Singh hi Player of the Tournament niin Best Batsman atan thlan a ni bawk a, Best Bowler-ah Lalrinkima (Thenzawl CC) chu thlan niin Emerging Player atan PC. Remruatfela (TKCC) chu thlan a ni bawk a. Final Match hi Cricket Association of Mizoram (CAM) hruaitu thenkhat ten an thlirpui bawk a ni.