MIZUTA huaihawtin JNU a thil thleng dem a ni
Jawaharlal Nehru University (JNU) tharum hmanga beih anih duhlohna lantirin nimin khan Mizoram University Teachers Association (MIZUTA) huaihawtin MZU Park, Tanhril-ah hun hman a ni.
Posts
School Education Minister in khaw pathum tlawh
School Education Minister, Lalchhandama Ralte leh Human Resources Development Board Vice Chairman, L. Thangmawia MLA te chuan nimin khan Saichal, Hliappui leh Kawlkulh khua te an tlawh.
Kuthnathawktute Ni hmang
Agriculture Minister, C. Lalrinsanga chuan nimin khan Hriphaw khua-a 'Kuthnathawktute Ni' hmanna chu khuallian niin a hmanpui.
Lok Sabha MP in Zokhawsang hmun a tlawh
Mizoram Lok Sabha MP, C. Lalrosanga chuan nimin khan Zo-khawsang-a Assam Rifles awmna hmun tlawhin tun thlenga Aizawl khawpui atanga an insawn chhuah theihloh chhan te a enfiah.
I&PR Minister in Sawrkar hmalakna mipui hriattir ram hmasawnna atana thil tul a nih thu a sawi
Information & Public Relations Minister, Lalruatkima chuan Sawrkar thuchhuah, sawrkar hmalakna leh sawrkar hmachhawp hrang hrangte mipui hnena hriattir hi thil pawimawh tak, sawrkar hnathawh ti chaktu leh ram hmasawnna atana thil tul a nih thu a sawi.
BBBP chungchang zirho
Nimin khan Serchhip khaw chhunga Health Worker, ASHA Worker leh Anganwadi Worker te tan Beti Bachao Beti Padhao (BBBP) Serchhip District hmalakna leh a thiltum te inhrilh-hriatna hun chu Serchhip DC Conference Hall ah neih a ni a, he hunah hian District Child Protection Officer, Lalsiampuii chuan inlawmna thu sawiin, VL. Remruatpuii, District Coordinator, Mahila Shakti Kendra chuan BBBP chungchang a sawifiah a, DCPU Serchhip atangin Lal-ramsiami Sailo, Legal cum Probation Officer leh Liansangpuii, Protection Officer (NIC) ten JJ Act leh Dan hmanga naupang Fa atana lak dan te an zirtir bawk a ni.
Hospital Poor Fund lut tha
Serchhip District Hospital chuan thla kalta, December 2019 chhung khan pawl leh mimal 32 zet te hnen atangin Poor Fund an dawng a, heng bakah hian thawktute leh damlote ei leh in tur thahnem tak an dawng bawk.
Sub-Hqrs. YMA hruaitu ten Bawrhsap an kawm
Serchhip Sub-Hqrs. hruaitute chuan nimin khan Serchhip District Bawrhsap thar, Dr. Lalzirmawia Chhangte chu a Pisa-ah kawmin theihtawp chhuaha thawhpui an tum thu an hrilh.
Bawrhsap thar in thuthar thehdarhtute a kawm
Serchhip District tan theihtawp ka chhuah ang - DC, Serchhip Serchhip District Bawrhsap, Dr. Lalzirmawia Chhangte chuan nimin khan Serchhip District MJA Member te a Pisa-a leng-ah sawmin inkawmna an nei a. He hunah hian Bawrhsap chuan Serchhip District tan theihtawp chhuah a tum thu a sawi.
Botanical Garden tur en
Champhai Zotlang khaw hmun hlui-a Botanical Garden siam tura ruahmanna awm bawh-zuiin nimin zing khan Environment Forest and Climate Change Department changtu Minister, TJ. Lalnuntluanga, Sawrkar Official leh khaw-tlang hruaitute'n a hmunah kalin an enfiah.
MP (RS) in lawmthu sawi
Mizoram Rajya Sabha MP, Ronald Sapa Tlau chu Thawhtanni khan Aizawl-a Synod Office-ah lengin CAB chungchanga an hmalakna ah lawmthu a sawi.
Art & Culture Minister in hmanpui
Art & Culture Minister, R Lalzirliana chuan nimin khan DIET Auditorium, Chaltlang-ah ‘Gandhi at 150’ thupui hmanga rampum huap inelna, National Essay and Painting Competition, Indian National Trust for Art and Culture Heritage (INATCH) Mizoram Chapter leh School Education Department tangkawp buatsaih chu a hmanpui.
Congress-in ACB kut a phuar MNF-in a phelh - MNYF
MNF |halai, MNYF chuan Congress-in ACB kut a phuar chu MNF-in a phelhsak zawk niin an sawi.
State Training Centre-ah Dormitory Building hawng
Sports and Youth Services Minister, Robert Romawia Royte chuan nimin khan State Training Centre, Tanhril-ah Dormitory Building a hawng.
Chapchar Kut hman dan tur CM hovin ngaihtuah
Nimin khan Chief Minister, Zoramthanga hovin kumin Chapchar Kut hman dan tur relin Chapchar Kut Organizing Committee chu an thukhawm a. Kumin Chapchar Kut hi March ni 6-ah hman tur niin, March ni 5-ah Kut urlawkna programme hman a ni bawk ang.
Mizoram Governor in MPSC Chairman thar atan Lalramthanga Tochhawng a lalut
Mizoram Public Service Commission (MPSC) Chairman atan nimin khan Lalramthanga Tochhawng, 1986 batch IA&AS (Rtd) chu Mizoram Governor, PS. Sreedharan Pillai chuan rinawmna thu tiam tirin a lalut.
Adviser to Chief Minister in Bawngchawm a tlawh
Serchhip-a lehlang-a rawn kal Adviser to Chief Minister, C. Lalramzauva chuan nimin chawhma lam khan Bawngchawm khaw hlui hmun tlawhin Serchhip Livestock Farmers Cooperative Society te hmalakna a enpui.
KTP ten thisen Unit 11 pe
Damlo thisen mamawh ten an mamawh hun ang zela a thlawna thisen an dawn theihna tura AVBD ten ruahmanna an siam angin nimin khan Serchhip Chanmari Vengthar Branch KTP te chuan Serchhip Blood Bank-a dah turin thisen Unit 11 an pe a, thisen petute hi mipa 5 leh hmei-chhia 6 an ni.
Career Conclave neih a ni
Serchhip District Bawrhsap Pisa leh District Child Protection Unit (DCPU) Serchhip tang-kawp buatsaihin nimin khan Serchhip Auditorium-ah 'Career Conclave' neih a ni.
Adviser to CM in Leisekawt Mual a tlawh
Serchhip-a rawn zin Adviser to Chief Minister, C. Lalramzauva chuan nimin tlai khan Serchhip P&E Veng-a Leisekawt Mual chu tlawhin he Mual laihzauh kawnga hmalakna te a en.