MIZUTA huaihawtin JNU a thil thleng dem a ni

Jawaharlal Nehru University (JNU) tharum hmanga beih anih duhlohna lantirin nimin khan Mizoram University Teachers Association (MIZUTA) huaihawtin MZU Park, Tanhril-ah hun hman a ni.
MIZUTA President, Prof. Lalnilawma kaihruai Peaceful Demonstration-ah hian MIZUTA President hlui, Prof. Margaret Ch.Zama, Mizoram University Non-Teaching Employees Association (MUNTSA), MZU Students’ Council, MZU Allumni leh JNU Allumni aiawhten thu an sawi a. Thu sawitute chuan kumin January 5-a JNU New Delhi a thil thleng an dem thu leh Zirna In tha leh ralmuang taka tharum thawhna thleng chu ngawihbo pui mai chi nia an hriat loh thu leh thilsual titute na taka hrem an phut thu bakah hetiang thil hi thleng nawn tawh lo se an duhthu te an sawi a. He huna tel te hian he thil thleng an dem thu te an auchhuahpui bawk a ni. He hun hman a nih hnu hian he huna tel pawl hrang hrangte chuan thuchhuah intawm siamin thil sual ti tu te man chhuaha dan anga hrem ngei an phut thu leh University leh zirna in hrang hrang te chu tharum thawhna hmun leh buaina siamna hmun atana hmang lo tura an ngen thu te an tarlang bawk.

Comments

Chhiar Hlawhte