MP (RS) in lawmthu sawi

Mizoram Rajya Sabha MP, Ronald Sapa Tlau chu Thawhtanni khan Aizawl-a Synod Office-ah lengin CAB chungchanga an hmalakna ah lawmthu a sawi.
Rajya Sabha MP, Ronald Sapa Tlau hi Synod Office-ah lengin Mizoram Synod-a Senior Executive Secretary, Rev Lian-hmingthanga Sailo hnenah ziak leh tawngka in lawmthu a sawi a, Parliament-a CAB putluh a nih lai khan mi tlemte chauhin kan ram leh Sakhua humhalh tumin Delhi tlang-ah hma an lak lai pawhin Kohhran mipuite an lamah an tang tlat tih a hriat avangin a zam lova, huaisenna a neih phah tih a sawi a, sawrkar laipui thuneitute pawhin an hmalakna an hriatthiam phah a kan lawm hle tih a sawi bawk. Rajya Sabha MP chuan, “Kan beisei ang diak diakin thil kal lo mahse Zoram mipuite inlungrual taka kan ram, kan hnam leh sakhaw tan a thawk ho zel turin ka ngen bawk che u a ni,” a ti. Synod Office-a a lenna ah hian Rajya Sabha MP hi MPCC Vice President, H. Lian-sailova leh party hruaituten an tawiawm a ni.

Comments

Chhiar Hlawhte