Adviser to CM in Leisekawt Mual a tlawh

Zonuna Kawlni /
Serchhip-a rawn zin Adviser to Chief Minister, C. Lalramzauva chuan nimin tlai khan Serchhip P&E Veng-a Leisekawt Mual chu tlawhin he Mual laihzauh kawnga hmalakna te a en.
Adviser to Chief Minister chuan Leisekawt Mual laihzauh hna thawh a ni ta chu lawmawm a tih thu sawiin, he Mual laihzauhna tura Phase-I hmanga laih tur chin chu zo angah a in ngaih theih thu a sawi a. Tuna BDO chenna In bula lei tlak hlauhawm la awm thei te chu tihfai tha a tih thu sawiin, a hnuaia leivung paihloh la awm te erawh chu a chhaklam ah Retaining Wall siam mai theih a nih rihloh avangin mipui himna atan paihfai vek rihloh nise a ti a. Helai hmuna hnathawh mek te pawh hi a remchan angin Chief Minister pawh enpui nise tiin chhunzawm zel dan turte pawh la sawiho leh nise a ti bawk.
Adviser to Chief Minister hian Leisekawt Mual laihzauhna leivung paihna, Field sir ami pawh tlawhin a thlang lama leivung dawlna tur siam mek te pawh a hmunah a en nghal a, Mual sir-a Anganwadi Centre awm mek chu Field puitling a awm theihna turin sawnchhuah tha a tih thu pawh sawiin, Anganwadi Centre awmna hmunah hian Reaining Wall tha tak siamin Field dawl zawl nan hman nise a ti a. Hei bakah hian tuihawk paihna tur siam dan turte pawh an en ho nghal bawk.

Comments

Post a Comment

I ngaihdan i sawi hian mipui ngaihdan i tarlang a ni!

Popular News (Last 30 Days)

Kawng siam dawn hnai

Zonuna Kawlni /
Image
National Highway-02 siam a nih hnuah he kawngpui in Serchhip Town chhunga a paltlang tawh loh, Chhiahtlang leh Serchhip khawpui chhung kawngpui siamthat hna chu PWD Serchhip Division ten an thawk dawn hnai nia thudawn niin hemi atan hian sum pawh ruahman a ni tawh nia thudawn a ni a. Tun tumah hian khawpui chhung paltlangtu Kikawn leh Sailiamkawn inkar chu Bituminous concrete a siam tum niin kawng siam hi zawhfel a nih hnuah chuan thla ruk (6) chhung Road cutting phalna pekchhuah a ni dawn lo a ni. Tun tuma kawng siam hna thawh turah hian New Serchhip North VC huamchhunga kawng kual nasa lutuk chu paih turin ruahmanna siam a ni bawk nia thudawn a ni.
Kimchang zawkin »

SEDBA hruaitu an thlang

Zonuna Kawlni /
Image
Serchhip District Boxing Association chuan kum 2026-2028 chhunga an hruaitu thlanna neiin President-ah C. Biakchhawna (New Serchhip) Sr. Vice President-ah BC. Liantluanga (Tuikhuah Veng); Vice President-ah R. Vanlalpeka (Vengchung), Secretary-ah David Laldintluanga (New Serchhip) Joint Secretary-ah T. Lalhuthanga (New Serchhip) leh V. Zosangliana (Leisang Veng); Treasurer-ah Prem Lalhmangaiha (Chanmari Veng) leh Fin. Secretary-ah David Lalrinmawia (P&E Veng) te thlan an ni.
Kimchang zawkin »

DIET Serchhip ten an titha

Zonuna Kawlni /
Image
Mizoram Board of School Education (MBSE) chuan nikum (2025) December thlaa Diploma in Elementary Education (D.EI.Ed) Examination a buatsaih result chu niminpiah khan a tichhuak a. District Institute of Education and Training (DIET) Serchhip-a Training mek te pawh an tha thawkhat a ni. DIET Serchhip atang hian 1st Semester-ah zirlai 48 ten Exam beiin mi 39 an pass a, a za zela 81.25 pass ang niin zirlai 9 ten Subject bat an nei a. 3rd Semester-ah zirlai 49 ten exam beiin an vaiin an pass vek thung a ni.
Kimchang zawkin »