Art & Culture Minister in hmanpui

Zonuna Kawlni /
Art & Culture Minister, R Lalzirliana chuan nimin khan DIET Auditorium, Chaltlang-ah ‘Gandhi at 150’ thupui hmanga rampum huap inelna, National Essay and Painting Competition, Indian National Trust for Art and Culture Heritage (INATCH) Mizoram Chapter leh School Education Department tangkawp buatsaih chu a hmanpui.
He hun a hmanpuina ah hian Art & Culture Minister chuan Mizorama zirlaiten India rampum huap inelna hmachhawn theihna hun remchang an nei chu lawmawm a tih thu sawiin, inelna hlutzia hria inelna zau zawk leh sang zawk a tel thei tura insuatsaih chho turin zirlaite a fuih a. Gandhi-a nun ah zir tur tam tak – tawng tlem ni chunga midang thusawi chik leh ngaituah te, mahni aia midangten dinhmun tha chelh se tih duhna rilru neih te, inngaihtlawmna te, tumruhna te chu entawntlak ni a hriat thu a sawi bawk.
Nimin a he hun hman hi INTACH Mizoram Chapter-a Convener, P. Rohmingthanga IAS (Rtd.) chuan a kaihruai a, he inelna ah hian pawl 6-10 atangin zirlai naupang 97 an tel a ni.

Comments

Post a Comment

Popular News (Last 30 Days)

C&I Minister in hmanpui

Zonuna Kawlni /
Commerce & Industries Minister F. Roding-liana chuan nimin khan Industrial Growth Centre, Luangmual-ah ZOPA Concrete Block Industry hawnna hun hmanpuiin Industry la din zel turte pawh sawrkar chuan puih a huam reng tih a sawi a. Mizote’n kan ramchhunga siam, kan mamawh em em, Mizo siam dik tak Cubic lung kan ban phaka a awm tawh tur chu a ropui hle tih sawiin, hlawhtling tur chuan taimakna leh tih tak takna rilru neih a tul thu a sawi bawk.
Kimchang zawkin »