Congress-in ACB kut a phuar MNF-in a phelh - MNYF

MNF |halai, MNYF chuan Congress-in ACB kut a phuar chu MNF-in a phelhsak zawk niin an sawi.

Nimin a thuchhuah an siamah MNYF Hqrs. chuan tun thla ni 11 khan Congress |halaite chuan thuchhuah siamin ‘Lok Ayukta-a an 'lehkha thehluh atanga thla 8 ral hnuah pawh thawm awm lova a la reh vung vung mai' niin ACB chu an puhmawh niin an tarlang a, dawt chiang tak mai leh titina-a sawi awm tawk lek thu hmanga kum bul an han tan nghal pang mai hi, lainatawm kan ti takzet a ni, an ti a. Nikum April thlaa Congress |halaiin Chief Minister Office leh Lok Ayukta-a lehkha an thehluh hnu khan Lok Ayukta chuan ACB hnenah chhui turin a pe a, Chief Minister Department chuan Vigilance Committee pawhin ACB hnenah May 16, 2019 khan lehkha an kaltir nghal bawk nia tarlangin, chumi hnu reilote ah ACB hian chhui zovin Krismas hma khan Lok Ayukta-ah report an thehlut tawh a. Lok Ayukta hian hriat belh duh an neih avangin ACB chuan report buatsaih lehin, Krismas-in a nan zui avangin Lok Ayukta-ah thehluh hman a ni ta lova, tunah hian an report kimchang tak thehlut turin an inbuatsaih mek a ni, an ti.

Congress |halai hian thuchhuah an siam hma hian thudik zawng hmasa tawh sela an duh tih MNF |halai thuchhuah chuan tarlangin, “An sawrkar lai ang mai maiin MNF chuan ACB a kalpui lo va, Congress-in ACB kut a phuar chu MNF-in a phelhsak zawk a ni tih lo hria se kan duh a. Hetianga kum thar lawmawm tak mai dawt chiang tak nena bul an tan ta hi, opposition party hlun tur zia niin MNF |halai chuan kan hria a ni,” an ti bawk.