Hospital Poor Fund lut tha

Serchhip District Hospital chuan thla kalta, December 2019 chhung khan pawl leh mimal 32 zet te hnen atangin Poor Fund an dawng a, heng bakah hian thawktute leh damlote ei leh in tur thahnem tak an dawng bawk.
Serchhip District Hospital hotute hnen atanga thu kan dawn danin Krismas leh Kumthar vuakvet kan hman zawh takah khan Serchhip District Hospital hian pawl leh mimal hrang hrang 32 te hnen atangin Poor Fund hi an dawng a, kumdang zawng aiin Poor Fund hi an dawng tha tih sawiin nitin dawng anga chhut theih an ni a. A bik takin Krismas thlen dawn karah phei chuan Poor Fund hi an dawng tha hle a ni.
Thudawn danin Krismas leh Kumthar vuakvet-a Serchhip District Hospital in Poor Fund a dawn zawng zawng hi Rs. 1,56,293/- zet niin sawrkar Department atanga pe zingah PHE leh Vety Department-a Staff Welfare telin Koh-hran hming-a pe pawl 9 an awm a, tlawmngai pawl (YMA, MHIP etc) hminga pe pahnih awmin pawl dang hminga pe 6 an awm a. Mimal a Poor Fund pe mi 14 an awm bawk a ni. Heng bakah hian thawktute leh damlo te ei leh in atan pawl leh mimal 10 zetin pawisafai leh eitur te an pe bawk a ni.

Comments

Chhiar Hlawhte