Sub-Hqrs. YMA hruaitu ten Bawrhsap an kawm

Serchhip Sub-Hqrs. hruaitute chuan nimin khan Serchhip District Bawrhsap thar, Dr. Lalzirmawia Chhangte chu a Pisa-ah kawmin theihtawp chhuaha thawhpui an tum thu an hrilh.
Serchhip Sub-Hqrs. YMA hruaitute hian nimin chhun khan an President, R. Sanghmingthanga hovin Serchhip District Bawrhsap thar hi a Pisa-ah kawmin Serchhip District-ah an lo lawm thu an hrilh a. Serchhip District mipuite tana hamthatna leh hmasawnna tura hmalakna ah te tha tak leh theihtawp chhuaha an thawhpui dawn thu an hrilh a. Hei bakah hian YMA ten ram leh hnam tana hma an lo lak tawhna hrang hrang- ILP chungchang te, dan lova Mizoram-a hnamdang sumdawng te chungchang te sawiin, khawtlang faina kawngah ran khuahkhirh lama hmalak tul an tih thu leh hlawh leh thil man bithliah chungchanga hmalak tul an tih thu te an sawi a. Heng an thil thlen hrang hrang hi Bawrhsap chuan lo ngaihthlak sakin a theih anga bawhzui a tum tur thu a lo hrilh a ni.

Comments

Chhiar Hlawhte