State Training Centre-ah Dormitory Building hawng

Sports and Youth Services Minister, Robert Romawia Royte chuan nimin khan State Training Centre, Tanhril-ah Dormitory Building a hawng.
Mizoram Bharat Scouts & Guides Vice President ni bawk, Robert Romawia Royte chuan Mizoram-ah Fur a rei thin avangin helai hmuna Camp nei thin, Bharat Scouts & Guides ten harsatna tam tak an nei thin tih sawrkar chuan a hriatpui thu a sawi a, mi 100 chuang mut theihna Bharat Scouts & Guides te’n Dormitory Building an nei chu a lawmpui tak zet a ni, tih a sawi.
Sports Minister chuan Sports piah lamah Youth Affairs hi hnam hmasawn nan leh than zel nan a pawimawh tih sawiin, rei tak chhung chu Youth Affairs ah budget awm manglo in sawrkar a lo kal thin a, hun neih hmasak berah Youth Affairs tih chak nan sawrkar chuan budget-ah pawh pawisa a dah ang tih a sawi a. |halaite hmasawnna turin theihtawp sawrkarin a chhuah tur thu leh hmasawn zel a tum thu a sawi bawk.
Dormitory Building leh a panna kal-kawng siamna tur atan hian kum 2017-2018 khan Mizoram Sawrkar atangin cheng nuai 120 hmuh a ni a, he hna thawk tur hian Vanlalhuma Ralte, Dinthar, Aizawl chu thlan niin Oct. 3, 2018 khan hna thawh tan a ni a, Jan. 9, 2020 khan sak zawh a ni. Bharat Scouts & Guides State Training Centre panna kawng siamna atan hian cheng nuai 7 ruahman niin hemi hmang hian PCC Flooring Approach Road metre 92 a thui leh metre 3 a zau siam a ni a. Dormitory Building atan hian cheng nuai 113 ruahman niin, 20x11 metres a zau RCC Building chhawng hnih a sak a ni a. Basement-ah hian Dormitory Room pathum (3), Manager Room pakhat (1), Toilet pathum (3) leh Bathroom pathum (3) te dah a ni.

Comments

Chhiar Hlawhte