MSPMC Team-in Tlungvel a EMRS a hmunah an enfiah

Mizoram State Project Monitoring Committee (MSPMC) chuan Tlungvel-a Eklavya Model Residential School (EMRS) chu Zirtawpni khan a hmunah tlawhin hnathawh an enfiah.

Tlungvel a EMRS hi Inrinni-a hawn tura ruahman kha a nih avangin MSPMC Team hian Plan angin building te sak a ni em tih uluk taka enfiahin, building la zawhfel loh te chu a rang thei ang bera zawh anih theih nan hna kalpui dan turte chu a thawktute an sawipui a ni.

Eklavya Model Residential School (EMRS) hi Ministry of Tribal Affairs, Govt. of India in Article 275 (i) hnuaia hmun kilkhawra Scheduled Tribe (ST) naupang ten National Standard Quality Education an neih theihna tura ruahman a ni a. Middle School leh High School Level naupang ten CBSE Standard a thlawnin an zir theihna tura buatsaih a ni.

MSPMC in Tlungvel-a EMRS an endikna ah hian he Committee Secretary Er. Vanlalruata Sailo; Er. H. Laldintluanga (Member, MSPMC); Vanchhungi (Task Force, MSPMC); Vannun-mawia (PA to VC) te bakah SW&TA Department atangin F. Vanlalruata (Programme Manager) leh Benhyafea Lalrinhlua (JE) ten an tel a. Eklavya Model Residential School hotute an tel bakah building satu contractor - VRS Construction atangin an General Manager, Site Engineer, JE leh RO te koh an ni bawk.

EMRS Tlungvel-ah hian Rs. 4,42,16,000 senga sak School Building te; Rs.3,53,81,000 ve ve senga sak Boys leh Girls Hostel te; Rs. 89,05,000 senga sak Kitchen & Dining Room te; Rs.39,24,000 senga sak Principal Quarters te; Rs.2,48,88,000 senga sak Type III Quarter pahnih te; Rs.1,20,35,000 senga sak Type II Quarters pakhat leh Rs.29,40,000 senga sak Guest House te a tel a. Football Ground, Volleyball Court, Basketball Court, Archery Range leh Swimming Pool te pawh a kengtel a ni.

Comments

Popular News (Last 30 Days)

Bawngchawm tlang khualbuk rawktu nia hriat mi 2 man