Kum tlinglo tang awm lo

Zonuna Kawlni /

District Child Protection Unit (DCPU) hnuaia District Jail Inspection Team te chuan nimin khan Serchhip District Jail tlawhin naupang kum tling lo tang an awm leh awm loh an enfiah a, Serchhip District Jail-a tang mek mi 51 zingah kum tling lo tang awm lovin Jail tang zingah hian hmeichhia pahnih an tel a, Jail tang zingah hian ruihhlo hman khawloh kaihhnawih a thubuai nei an tam nia thudawn a ni bawk. Nimin-a District Jail Inspection Team ten Serchhip District Jail an tlawhna ah hian Jail-a Nurse Duty chu chhungkaw bawrhsawmna avanga hun rei tak chawlh lak ngai a nih avangin damlo enkawltu an awm loh thu leh damdawi In pan tura lirthei an neih that loh avanga harsatna an tawh thu te tarlan a ni.

Comments

Post a Comment

Popular News (Last 30 Days)

Electric current in man

Zonuna Kawlni /
Image
Nimin chhun khan Serchhip Vengchung-a cheng Lalruatdika chu a hnathawhna ah Electric in manin ZMC-ah enkawl tura hruai nghal a ni. Thudawn danin Lalruatdika s/o T. Laldanglova, Serchhip Vengchung hi Serchhip Vengchung-a Govt. M/S chhak ah mi In sakna ah Mistiri hna a thawk a, nimin chhunlai pelh hret ah khan a chung lama Iron Rod an lek chuan an In sak mek chunga kal Serchhip Entlang lam Power pekna, 11kV Line chu a fuh palh a, Electric hian a man zui ta a ni. Lalruatdika hi Serchhip damdawi In panpui nghal a ni a, nimin vek khan ZMC panpui leh nghal a ni. Nimin-a Electric in Lalruatdika a man laia a awmna Beam atang hian Electric Line hi meter 1.5 vela sang nia thudawn a ni bawk.
Kimchang zawkin »