Governor in JEE leh NEET Entrance exam inpuah-chahna atan NIEDO Second Batch a hawng

Governor Dr. Hari Babu Kambhampati chuan nimin khan 2 Assam Rifles Complex, Zokhawsang-ah NIEDO Second Batch Coaching a hawng.

JEE, NEET leh Allied Cxam dangte Entrance Exam-na atana Open House Mentoring Camp hi Assam Rifles, National Integrity & Educational Development Organisation (NIEDO) leh Axis Bank te thawhhona a kalpui niin Governor chuan he hmalakna hi Mizoram thalaite tan a hluin a tangkai tih a sawi a. Zirna hi ram leh hnam tihhmasawnna atan bakah inpumkhatna atana hmanraw thil ti thei ber a ni tih sawiin, Axis Bank, NIEDO leh Assam Rifles ten Mizote hmakhua ngaia zirlai zinga chhungkaw khawsak harsa zawkte tana India rama zirna In tha filawr luh theihna kawngka an hawng chu lawmawm a tih thu a sawi bawk.

Nikum September 27 khan Governor Dr Hari Babu Kambhampati hmaah HQ 23 Sector, Assam Rifles, NIEDO leh Axis Bank te chuan thawhhona thuthlung an lo ziak tawh a. He thawhhona hnuaia Project ‘Sentinel Centre’ hnuaiah hian ei leh in leh awmna a thlawn veka tum sakin chhungkaw harsa zawk atanga zirlai pawl 12 pass te tan JEE, NEET leh a tlukpui Entrance Exam hmachhawn tura Coaching buatsaih a ni a. He project atan hian Axis Bank chuan CSR hnuaiah kum 4 chhung atan cheng vbc. 3.9 (approx) a sanction a. Nikum khan Entrance Exam-ah hian Mizoram District hrang hrang atangin zirlai 186 an inlan a. Final Stage-ah zirlai 30 thlanchhuah an ni. Training hi January thla atang khan tan a ni a, thla li (4) chhung awhin heng zirlai 30 zingah hian JEE Exam-ah pakhatin hlawhtlinna a chang a, NEET exam-ah mi 20 an hlawhtling bawk. Kumin hian NIEDO Second Batch Entrance Exam-ah hian zirlai 436 an inlan leh a, zirlai 30 bawk thlanchhuah leh an ni.

Comments

Popular News (Last 30 Days)

Serchhip DCSO sawn a ni

Bawngchawm tlang khualbuk rawktu nia hriat mi 2 man