MGNREGS hnuaia hmalakna tur ‘Project Rotling – Hmasawnna Rahbi Thar’ hawn a ni

MGNREGS hnuaia hmalakna thar ‘Project Rotling – Hmasawnna Rahbi Thar’ chu nimin khan Rural Development Minister Prof. Lalnilawma chuan tlangzarhin he Project vil zuina tur Portal leh MzSRLM hnuaia Self-Help Group te hlawhtlinna lehkhabu a tlangzarh nghal bawk.

MLA Conference Hall, Annexe Building-a hemi puala hun hman ah RD Minister chuan ‘Project Rotling – Hmasawnna Rahbi Thar’ chu thawhhona tha tak hnuaiah kalpui tur chi a ni tih sawiin, Hmalakna thar ‘Pilot Project’ a nih vangin Project thar hmalakna tur atana thlanchhuahte chu entawn tlaka hlawhtlinpui ngei a ngai tih a sawi. Minister chuan he project hi awm lo ata rawn awm thar a ni lo tih sawiin, “Awmsa ata mumal leh tangkai zawka hmalakna tur a ni,” a ti a. MGNREGS hnuaia hmalakna kal mek bakah tha lehzuala danglamna thlen tura ke penna a ni tih a sawi a. Hun tlemte chauh an in pek laia Project tha tak tak 84 lai mai RD Block 28 atanga a lut thei chuan Officia lte theihna leh thiamna a phochhuak hle tih sawiin fakawm a tih thu a sawi bawk.

‘Project Rotling – Hmasawnna Rahbi Thar’ hi Mizoram chhunga RD Block 28 te inelna a ni a, he project hnuaiah hian Short Term Project (kum 1 chhunga thawh zawh tur), Medium Term Project (kum 2/3 chhunga thawh zawh tur) leh Long Term Project (kum 5 chhunga thawh zawh tur) te a awm a, RD Block 28 atangin Concept Paper 84 a lut a, heng te hi District tinah a bialtu Project Director ten an endik hnuah State Level Expert Panel in Project 27 an thlangchhuak a, heta tang hian RD Minister kaihhruai State Level Monitoring Committee in project 15-ah an lo thlifim leh a ni.

Tun tumah hian Short Term Project, Medium Term Project leh Long Term Project hnuaiah hian Project 5 theuh thlanchhuah a ni a, heng Project thlanchhuahte hnenah hian sum hman tur First Installment chu semchhuah nghal a ni bawk.

Comments

Popular News (Last 30 Days)

Serchhip DCSO sawn a ni