ASF hri in zual lam la pan

Zonuna Kawlni /

Nimin khan Serchhip District-ah African Swine Fever (ASF) vanga Vawk thi 6 awm lehin Vawk 43 lai suat belh leh a ni a, Serchhip District-ah hian ASF hri leng hian zual lam ala pan zel niin a lang.

Hetihlai hian tunhnaia Vawk engemaw zat thihna, Thenzawl khua a Vawk thi te chu African Swine Fever (ASF) vanga thi an ni tih finfiah a ni a, hei vang hian Thenzawl khua chu ASF hri lenna, Infected Area-ah puan a ni ve leh ta a, a hma lama Infected Area-a lo puan tawh te ang bawkin Thenzawl-ah hian Vawk, Vawksa leh Vawksa atanga thil siam khuahkhirh niin Vawk talh leh a sa zawrh pawh khap a ni bawk. Heti hian Serchhip District-a khaw 9 te chu ASF hri lenna hmun ah puan a ni tawh a ni.

Mizoram pumah nimin khan African Swine Fever (ASF) vanga Vawk thi 178 awm lehin heti hian kumin chhungin Mizoram-ah ASF vanga Vawk thi 3658 a awm tawh a, nimin khan District hrang hrangah Vawk 282 chu suat leh ni bawkin kumin hian Vawk 7069 chu suat a ni tawh bawk a ni.

Comments

Post a Comment

Popular News (Last 30 Days)

Electric current in man

Zonuna Kawlni /
Image
Nimin chhun khan Serchhip Vengchung-a cheng Lalruatdika chu a hnathawhna ah Electric in manin ZMC-ah enkawl tura hruai nghal a ni. Thudawn danin Lalruatdika s/o T. Laldanglova, Serchhip Vengchung hi Serchhip Vengchung-a Govt. M/S chhak ah mi In sakna ah Mistiri hna a thawk a, nimin chhunlai pelh hret ah khan a chung lama Iron Rod an lek chuan an In sak mek chunga kal Serchhip Entlang lam Power pekna, 11kV Line chu a fuh palh a, Electric hian a man zui ta a ni. Lalruatdika hi Serchhip damdawi In panpui nghal a ni a, nimin vek khan ZMC panpui leh nghal a ni. Nimin-a Electric in Lalruatdika a man laia a awmna Beam atang hian Electric Line hi meter 1.5 vela sang nia thudawn a ni bawk.
Kimchang zawkin »