Aizawl khawpui tan Tui pump theih ala tlem rih

Aizawl khawpui chawmna atana Tui lakna khawl chhia chui siam that a la nih loh avangin nidang-a Tui pump thin zahve vel chauh tunlai hian pump chhuah theih ala ni a, he harsatna hi sutkian hun tur hriat a la ni lo.

Nimin-a Akashvani Correspondent in a kawmnaah PHE Department Aizawl WATSAN Circle-a SE Lalfakzuala Ralte chuan a hmaa ni khat-a tui litre mtd 34 vel an pump chhuah theih thin laiin tun dinhmunah chuan litre mtd 16 vel chauh an pump chhuak thei a, phai lama khawl thawn te chu a dinhmun hriat ala nih loh avangin a thar mamawh anih chuan sawrkarin a ngaihtuah sak a ngaih tur thu leh hemi atan hian sum tam tak mamawh a nih tur thu a sawi bawk.

Tarlan tawh angin, Remal Cyclone avanga tuilianin Greater Aizawl Water Supple Scheme Phase-I, Tlawng kama tui pump na te a tihchhiat avangin khawl hman theih a ni lo a. Khawl chhia pawh Guwahati ah thawn ni tawhin siamthat theih hun hriat a la ni lo a, siamthat theih anih loh phei chuan a thar a thlak vek ngai tih SE Lalfakzuala chuan a sawi a. Remal Cyclone avanga chhiatna thleng rawn endik tura a rawn tirh Inter-Ministerial Central Team atangin sawrkar pawhin cheng vbc. 80 a beisei niin a sawi bawk.