Myanmar raltlan te biometric data la turin inpeih tawh

Myanmar atanga Mizoram-a raltlan 33,000 chuangte Biometric data laksak turin Mizoram sawrkar a inpeih.
Home Department hotute sawi dan chuan Myanmar raltlante Biometric Enrollment kalpuina tur atan hian Biometric Enrollment Portal pawh peih a ni tawh a. Sawsrkar laipui a Ministry of Home Affairs-in kalpui tura an tih hun huna tipuitling thei turin Mizoram sawrkar chu a inpeih tawh a ni. Myanmar raltlante chanchin (biographic) data hi neih kim thawkhat a ni tawh a, lut leh chhuak an awm reng avangin tih kim vek hleih theih a ni lo. Chuti chung chuan an vai deuhthaw-in Identity Card pek an nih tawh thu Home Department hotute chuan an sawi a. District 11-a Bawrhsap Pisa tinin an District chhunga raltlante dinhmun hi an ngaihven reng niin an sawi bawk.
Home Department-in a chhinchhiah dan thar berah chuan tun dinhmunah Myanmar atanga raltlan hi Mizoram-ah mi 33,835 an awm a. Siaha District-a awm mi 91-te an ramah an kir leh emaw, hmun danga an kal emaw avangin raltlan awm zat hi a tlem hret a ni. Raltlan zinga 10,141 hi mipa an ni a, hmeichhia 10,793 leh naupang 12,901 an awm bawk. Myanmar raltlan zinga mi 10,552 hi an puala siam Relief Camp111-ah an awm mek a, mi 9,269 te erawh chu an chhungkhat laina leh thiante belin an awm a. In luah a awm an awm bawk a ni. Myanmar raltlan hi Champhai District-ah tam berin mi 14,212 an awm a, Siaha District-ah 5,953 awmin Lawngtlai District-ah 5,922 an awm bawk a ni.

Indian Metereological Department (IMD) Aizawl Center chuan kumin hian Mizoram in ruahtui a dawng tam dawn nia hriat a nih thu an sawi.

Comments

Popular News (Last 30 Days)

Serchhip DCSO sawn a ni

Bawngchawm tlang khualbuk rawktu nia hriat mi 2 man