Ruling Party induhsak bikna ang chi a awm lo niin sawi

ZPM Serchhip Block chuan tunhnaia Mizoram sawrkar in Zirtirtu a lakna ah Ruling Party induhsak bikna ang chi a awm lo niin an sawi.
Inrinni-a thuchhuah an siamah ZPM Serchhip Block chuan Chief Minister Lalduhoma kaihhruai Sawrkar chuan Mizoram hmun hrang hranga Zirtirtu indaihlohna hriain High School, Middle School leh Primary School Zirtirtu (Casual Teacher) 1370 lai mai a la thar chu Zirlaite tan leh Zoram mipui tan a lawmawm hle tih tarlangin, heng Zirtirtu lak tharte zingah Serchhip atang pawha mi thahnem tak tling an awm ve thei chu lawmawm an tih thu an sawi a. Tun tuma Zirtirtu lakna-ah hian Chief Minister leh Education Minister-te'n a thiam leh tlingte ngei lak an nih tur thu an lo sawi lawk tawh angin he hna lakna hi a fair hle tih sawiin, “Tun hmaa kan hriat fo thin - Ruling Party induhsak bikna ang chi kha awm miah lovin, a thiam leh tlingte chiah lak an ni ta hian tun Sawrkar hi mipui Sawrkar dik tak a nih zia a tilang chiang hle a, ZPM Serchhip Block chuan chhuanawm kan tiin, Zirtirtu tling thar zawng zawngte kan lawmpui a, Mizoram zirna tih-hmasawnna tura thawktu, Zirlaite tana thiamna petu ni zel turin duhsakna kan hlan e,” an ti bawk.

Comments

Popular News (Last 30 Days)

Serchhip DCSO sawn a ni