Central Team in Saitual District-a kawng chhia enfiah

Zonuna Kawlni /

Cyclone Remal avanga Mizoram-a chhiatna thleng enfiah tura rawn kal Ministry of Road Transport & Highways-a RO Adelbert Susng leh Team te chuan nimin khan Saitual District tlawhin Saitual District chhunga khaw pathum inkalpawhna, Tawizo - Maite Road, Dilkhan - Lungpher - Buhban Road leh Khanpui - Tualbung Road chhia te a hmunah an enfiah.

Adelbert Susngi leh a Team te hian chawhma lamah Tawizo leh Maite inkawlpawhna kawngte enfiahin chawhnu lamah Dilkhan atanga N. Lungpher leh Buhban inkalpawhna te, Tualbung atanga Khanpui inkar kawng bal te leh siamthat ngai thenkhatte a hmunah an enfiah leh a. Kawng hi a chhe hneh hle a,Tawizo atanga Maite leh Dilkhan atanga Buhban inkar te erawh emergency thilah chuan kaltlang hram theih a ni a, Tualbung leh Khanpui inkar erawh lirthei eng chi mah a kaltlang thei rihlo a ni.

Central Team te hi Saitual DC Dr. Lalngura Tlau bakah PWD Eastern Circle-a SE Lalzawmthanga; Saitual EE Dengchungnunga leh Line Department bakah NGO aiawhten an tawiawm bawk a ni. 

Comments

Post a Comment

Popular News (Last 30 Days)

Electric current in man

Zonuna Kawlni /
Image
Nimin chhun khan Serchhip Vengchung-a cheng Lalruatdika chu a hnathawhna ah Electric in manin ZMC-ah enkawl tura hruai nghal a ni. Thudawn danin Lalruatdika s/o T. Laldanglova, Serchhip Vengchung hi Serchhip Vengchung-a Govt. M/S chhak ah mi In sakna ah Mistiri hna a thawk a, nimin chhunlai pelh hret ah khan a chung lama Iron Rod an lek chuan an In sak mek chunga kal Serchhip Entlang lam Power pekna, 11kV Line chu a fuh palh a, Electric hian a man zui ta a ni. Lalruatdika hi Serchhip damdawi In panpui nghal a ni a, nimin vek khan ZMC panpui leh nghal a ni. Nimin-a Electric in Lalruatdika a man laia a awmna Beam atang hian Electric Line hi meter 1.5 vela sang nia thudawn a ni bawk.
Kimchang zawkin »