Mizoram State Lottery kalpui dan CM hovin thlirho

Finance Department changtu Chief Minister Lalduhoma hovin nimin khan Mizoram Institutional Finance & State Lottery kalpui mek dan leh tihhmasawn zel dan tur chu sawrkar mi pawimawh ten a Pisa-ah an sawiho.

He hunah hian tuna State Lottery kalpui mek dan ngaihthlak niin nikum chhung khan Mizoram State Lottery hian cheng vbc. 20 an hmu chhuak a, a draw-na tur khawl (Mechanical Draw Machine) neiin, draw apiangin Judge pahnih leh Supervising Officer ten an endik a, online in a video hi live-a tihchhuah a ni thin. Online a en theihna link hi ticket hnung ah leh State Lottery website ah te tarchhuah zel a ni a. Ticket hralh loh (unsold ticket) te hi draw hmain distributor ten an kir (return) vek thin a. Result hi website-a an tlangzarh bakah Distributor te an pe vek thin a. Ticket print na hmun hi RBI leh IBA ten phalna an pek Press-ah chauh kalpui a ni.

State Lottery Regulation Rules, 2019 angin Mizoram Institutional Finance & State Lottery an kal mek a, mamawh zat distributor hi an awm thei rih lo thung. Tunhnaiah Tender te chhuah thin mahse online Lottery an la kalpui theih loh avang hian chhangtu dang an awm belh rih lo niin an ngai a. Chuvang chuan Paper Lottery leh Online Lottery kalpui dun theih tumin inbuatsaihna kalpui mek a ni.