Mizoram-ah ruihhlo vanga thi 1852 awm tawh

Zonuna Kawlni /

Mizoram-ah ruihhlo hmansual avanga nunna chan mi 1852 an awm tawh.

Excise & Narcotics Department chhinchhiah danin kum 1984 atanga kumin June 7 thleng khan Mizoram-ah ruihhlo hmansual avanga thi mi 1852 an awm tawh a, heng te hi mipa 1628 leh hmeichhia 224 niin, a tam zawk zaa 89.90 mipa an nih laiin zaa 10.10 chauh chu hmeichhia an thung. Kum 1984 atanga chhinchhiah danin, kum 2004 kha Mizoram-ah kum khat chhunga ruihhlo avanga thi an tam ber kum a ni a, hemi kum hian mi 143-in nunna chanin heng te hi mipa 122 leh hmeichhia 21 an ni a, nikum khan dawtin nikum chhung khan ruihhlo hmansual vanga thi hi mipa 64 leh hmeichhia 12. an vaiin mi 76 an awm leh a, chhinchhiah chin ah ruihhlo avanga thi awm loh kum hi kum khat chauh la awmin kum 1986 khan ruihhlo vanga thi an awm lo a ni.

Mizoram-a Ruihhlo hman sual zingah Proxyvon/Parvon Spas avanga thi tam berin mi 1161 in an thihpui a, Heroin avanga thi 262 awmin ruihhlo dang avanga thi 429 an awm bawk a ni.

Comments

Post a Comment

Popular News (Last 30 Days)

Electric current in man

Zonuna Kawlni /
Image
Nimin chhun khan Serchhip Vengchung-a cheng Lalruatdika chu a hnathawhna ah Electric in manin ZMC-ah enkawl tura hruai nghal a ni. Thudawn danin Lalruatdika s/o T. Laldanglova, Serchhip Vengchung hi Serchhip Vengchung-a Govt. M/S chhak ah mi In sakna ah Mistiri hna a thawk a, nimin chhunlai pelh hret ah khan a chung lama Iron Rod an lek chuan an In sak mek chunga kal Serchhip Entlang lam Power pekna, 11kV Line chu a fuh palh a, Electric hian a man zui ta a ni. Lalruatdika hi Serchhip damdawi In panpui nghal a ni a, nimin vek khan ZMC panpui leh nghal a ni. Nimin-a Electric in Lalruatdika a man laia a awmna Beam atang hian Electric Line hi meter 1.5 vela sang nia thudawn a ni bawk.
Kimchang zawkin »