Vawk thi a la awm belh zel
Serchhip District-a ASF hri leng hian zual lam ala pan zel niin a lang a, nimin khan Then-zawl-ah Vawk 14 thi lehin North Vanlaiphai-ah 7, Lungpho-ah 5, Baktawng leh Serchhip Hmar Veng-ah pahnih ve ve leh Khumtung leh Chhiah-tlang-ah pakhat ve ve a thi leh a ni. Nimin khan Thenzawl-ah ASF hri leng avangin Vawk 22 suat leh niin Chhuanthar Tlangnuam-ah 15, North Vanlaiphai-ah 11, Baktawng-ah 9, Keitum-ah 8 leh Chhiahtlang, Chhingchhip leh Serchhip Hmar Veng-ah pakhat theuh suat leh a ni bawk a. Heng bakah hian Serchhip Vengchung leh Serchhip P&E Veng-a Sample lak te chu RAgT hmanga enfiah niin ASF kai nia rinhlelh a ni bawk a, heng Veng-ah hian Vawk pakhat ve ve suat leh ni bawkin nimin khan Serchhip District-ah hian Vawk 70 zet suat leh a ni.
Heti hian kumin chhungin Serchhip District-ah ASF vanga Vawk thi chhinchhiah chu 561 a tling ta a, Vawk 2019 zet suat a ni tawh bawk a, khaw 10-a vawk thi te chu ASF vang a ni tih finfiah ni tawhin khaw 9 te chu ASF hri lenna hmunah puan a ni tawh bawk a, ASF hmuhna khaw pakhat chu hri lenna ah puan la ni lovin khaw pathum chu ASF lenna a rinhlelh a ni bawk.
Comments
Post a Comment