Tang tlanchhuak nia hriat man

Zonuna Kawlni /

Inrinni kalta a Serchhip District Jail atanga tlanchuak nia hriat mi pakhat chu Vanchengte ram-ah manin Serchhip rawn thlenpui a ni tawh.
 Vanchengte atanga LENKAWL in thu a dawn danin Inrinni a Serchhip District Jail atanga tlanchhuak zinga mi Lalnunnema nia hriat hi nimin July 7, 2024 (Pathianni) tlai khan Vanchengte dai-a leipui-ah hmuh niin amah hmutu mi pakhat chu chaw te a dil bakah Phone hman sak a dil a. Ani hi khua ah kalin Phone leh eitur te lain midang nen an zuk kal leh a, hei hi Lalnunnema chuan a lo hmuhin a tlanchhe ta chiam a, Vanchengte atanga Serchhip lam ep-a tlanin kham-ah chesualin ft. 30 vela sang-ah a tla nia thudawn a ni.

Hetianga a chetsual hnu hian Vanchengte khawtlang hian nizan lam khan an lachhuak a, Serchhip lam pawh rawn hriattirin tukin khan Serchhip rawn panpui a ni tih Vanchengte atanga kan thudawn chuan a sawi a. Lalnunnema hian a chetsualna lamah hian hliam na lutuk lo a tuar niin an sawi bawk.

Comments

Post a Comment

Popular News (Last 30 Days)

Electric current in man

Zonuna Kawlni /
Image
Nimin chhun khan Serchhip Vengchung-a cheng Lalruatdika chu a hnathawhna ah Electric in manin ZMC-ah enkawl tura hruai nghal a ni. Thudawn danin Lalruatdika s/o T. Laldanglova, Serchhip Vengchung hi Serchhip Vengchung-a Govt. M/S chhak ah mi In sakna ah Mistiri hna a thawk a, nimin chhunlai pelh hret ah khan a chung lama Iron Rod an lek chuan an In sak mek chunga kal Serchhip Entlang lam Power pekna, 11kV Line chu a fuh palh a, Electric hian a man zui ta a ni. Lalruatdika hi Serchhip damdawi In panpui nghal a ni a, nimin vek khan ZMC panpui leh nghal a ni. Nimin-a Electric in Lalruatdika a man laia a awmna Beam atang hian Electric Line hi meter 1.5 vela sang nia thudawn a ni bawk.
Kimchang zawkin »