Minister in sawrkar laipui dawr chhunzawm mek

Mizoram sawrkar-a Minister Dr. Vanlalthlana chu sawrkar laipui-a mi pawimawh te dawrin New Delhi-ah a cham mek a, Vawiin hian Mizoram-ah a rawn haw ang.

Education changtu Minister Dr. Vanlalthlana hian Union Education Minister Dharmendra Pradhan chu Mizoram-a zirna in hma a sawn theih nana Mizoram sawrkar hmachhawp hrang hrang a sawipui a. Sawrkar laipui atanga tanpuina awm theite sawipuiin, Samagra Shiksha leh RUSA Scheme hnuaia sum dawn hmabak awmte a hma thei ang bera pechhuak turin a ngen a. NIT, Lengpui Campus a hlawhtlin thuai theih nan leh Mizoram Engineering College din fela zirna kalpui a nih vat theih nan ngenna a thlen bawk a. NIT chungchanga hmalak chhunzawm dan tur leh Engineering College din nan PMJVK project chak zawka kalpui a nih theih dan te an sawidun a ni.

Information & Broadcasting leh Electronics & Information Technology Ashwini Vaishnawnen an indawrnaah Dr. Vanlalthlana chuan I&PR leh ICT Department-a Mizoram Sawrkar hmachhawp hrang hrang a sawipui a. Mizoram University-a Software Technology Park din tura hmalakna hrang hrangte sawi dunin, Digital India Scheme hnuaia hmalak theih dan tur awmte an sawidun a. Hei bakah hian sawrkar laipui-a Secretary thenkhat dawrin Mizoram Sawrkarin hnathawh tur a ruahman leh hmachhawp a neihte chak zawka kalpui a nih theih dan turte an sawi bawk a ni.

Comments

Popular News (Last 30 Days)

Serchhip DCSO sawn a ni