Olympic Run neih a ni

Zonuna Kawlni /

International Olympic Day pualin Inrinni zing khan Aizawl-ah ‘Olympic Day Run’ neih a ni a, Chanmari leh Sikulpuikawn atangin AR Ground pan in Sports Association hrang hrang atangin infiammi 1000 chuang tlanin AR Ground-ah hian Sports & Youth Services Minister Lalnghinglova Hmar hovin hun hman leh a ni a, Sports Minister chuan infiammite chu Olympic Day chibai bukin, an kal zelna turah theihtawp chhuah turin a chah a. Olympic Games-ah infiamna discipline a inthlak ve reng thu sawiin, he Games, khawvel in a ngaihhlut leh khawvel infiammite intawhkhawmna pui berah hian Mizo thalai tam zawk an la tel theih a beisei thu a sawi bawk. He hun hi Mizoram Olympic Association President Robert Romawia Royte chuan kaihruaiin Sports Association kal tha te hnenah lawmman hlan an ni bawk. International Olympic Day hi June 23 niin kumin hian Pathianni a nih avangin Inrinni khan hman a ni.

Comments

Post a Comment

Popular News (Last 30 Days)

Electric current in man

Zonuna Kawlni /
Image
Nimin chhun khan Serchhip Vengchung-a cheng Lalruatdika chu a hnathawhna ah Electric in manin ZMC-ah enkawl tura hruai nghal a ni. Thudawn danin Lalruatdika s/o T. Laldanglova, Serchhip Vengchung hi Serchhip Vengchung-a Govt. M/S chhak ah mi In sakna ah Mistiri hna a thawk a, nimin chhunlai pelh hret ah khan a chung lama Iron Rod an lek chuan an In sak mek chunga kal Serchhip Entlang lam Power pekna, 11kV Line chu a fuh palh a, Electric hian a man zui ta a ni. Lalruatdika hi Serchhip damdawi In panpui nghal a ni a, nimin vek khan ZMC panpui leh nghal a ni. Nimin-a Electric in Lalruatdika a man laia a awmna Beam atang hian Electric Line hi meter 1.5 vela sang nia thudawn a ni bawk.
Kimchang zawkin »