MPSC Exam Centre hawng

Saitual District-a a vawi khatna leh hmasa ber ni turin ‘Mizoram Public Service Commission (MPSC) Combined Competitive Examination Centre’ hawn a ni a, nimin khan Saitual District Bawrhsap leh District Level Observer Dr. Lalngura Tlau chuan tlawhin MPSC hnuaia District Level Examination Centre hawn a ni ta chu lawmawm a tih thu leh Saitual District ngeia sawrkar hna sang ber lak tur Exam theih a ni ta chu hmasawnna ropui tak a nih thu a sawi. Saitual DC chuan he Centre-ah hian MPSC hnuaia sawrkar hna chi hrang hrangte pawh exam theih a nih tawh dawn thu leh chu chuan nasa takin Saitual District thalaite hna exam kawngah a puih tur thu a sawi bawk. Saitual-a MPSC Exam Centre atan hian Govt. Higher Secondary School Building, Sai-tual building chu hman niin nimin khan Exam neih nghal a ni a, mi 44 inziaklut-ah mi 29 ten Exam an hmachhawn a ni.