Mat Phai rawn tlawh dawn

Cyclone Remal avanga Mizoram-a chhiatna thleng enfiah tura rawn kal Inter-Ministerial Team te chuan Mizoram hmun hrang hrang tlawh mekin Vawiin hian Serchhip pawh rawn tlawh tura beisei an ni.

Inter-Ministerial Team te hian tukin hian Aizawl atanga Serchhip rawn panin Serchhip DC Conference Hall-ah District Bawrhsap leh DDMA Chairman ni bawk kaihhruaina hnuaiah Horticulture Department in tun tum Cyclone avanga Serchhip Mat phaia chhiatna thleng te an sawifiah anga, hemi hnu hian Mat Phai hi a hmunah tlawhin kuthnathawktute pawh an kawm nghal dawn bawk a ni. Heng  Inter-Ministerial Team te hi Vawiin vek hian Aizawl lamah an kir leh anga, zan lamah Chief Minister kawmin naktuk-ah Mizoram an chhuahsan tawh dawn a ni.