Parliament thutkhawm neih tan a ni dawn

Zonuna Kawlni /

Sawrkar Laipui-a sawrkar thar lakluh a nih hnuah 18th Lok Sabha thutkhawm hmasa ber chu Vawiin, June 24, 2024 hian neih a ni dawn a, July 3, 2024 thleng a awh ang.

Parliamentary Affairs Minister Kiren Rijiju chuan 18th Lok Sabha thutkhawm hmasa ber neih tur hi puangin Session tan atanga a ni hmasa ni thum (3) chu Lok Sabha Member thar te lakluhna hun atan hman a ni anga, hemi rual hian June 26-ah Lok Sabha Speaker tur thlanna neih nghal a ni bawk ang. Ruahman lawk ang chuan June 27-ah Rajya Sabha thutkhawm nei tan ve bawkin hemi ni hian President Droupadi Murmu chuan chuan Lok Sabha leh Rajya Sabha Joint Sitting hmaah thu a sawi anga, hemi hnu hian Prime Minister Narendra Modi chuan a Council of Minister tharte chu Parliament-ah hmelhriattirna hun a hman bakah President thusawi chungchanga Motion of Thanks chu putluh a ni bawk ang.

Tun tuma Rajya Sabha thutkhawm neih tur hi July 3, 2024 thleng awh tur niin Rajya Sabha thutkhawm vawi 264-na tur a ni.

Comments

Post a Comment

Popular News (Last 30 Days)

Electric current in man

Zonuna Kawlni /
Image
Nimin chhun khan Serchhip Vengchung-a cheng Lalruatdika chu a hnathawhna ah Electric in manin ZMC-ah enkawl tura hruai nghal a ni. Thudawn danin Lalruatdika s/o T. Laldanglova, Serchhip Vengchung hi Serchhip Vengchung-a Govt. M/S chhak ah mi In sakna ah Mistiri hna a thawk a, nimin chhunlai pelh hret ah khan a chung lama Iron Rod an lek chuan an In sak mek chunga kal Serchhip Entlang lam Power pekna, 11kV Line chu a fuh palh a, Electric hian a man zui ta a ni. Lalruatdika hi Serchhip damdawi In panpui nghal a ni a, nimin vek khan ZMC panpui leh nghal a ni. Nimin-a Electric in Lalruatdika a man laia a awmna Beam atang hian Electric Line hi meter 1.5 vela sang nia thudawn a ni bawk.
Kimchang zawkin »