East Bengal-ah Serchhip tlangval

Serchhip tlangval Mark Zothanpuia chuan Hyderabad FC atangin Season thar-ah East Bengal a zawm dawn ta.

Kum 22-a upa Mark Zothanpuia hi kum 2019 atang khan Indian Super League (ISL) Club Hyderabad-ah hian awmin a tir kum hnih chhung Reserved Team-ah awmin Senior Level-ah kum thum a khel hnuah Kolkata Club hlun East Bengal zawm tur hian Inrinni khan May 31, 2027 thleng daih tur contract a ziak a ni.

New Serchhip Venglai-a cheng, S. Vanlalchhunga (Zirtirtu) fapa Mark Zothanpuia hi Central Midfield a khel thin niin Season liamta ah khan Hyderabad tan ISL-ah match 18 bakah Kalinga Super Cup-ah match 3 leh Durand Cup-ah match 3, a vaiin match 24 a khel a, assists vawi khat a neih bakah ISL-ah chance vawi 24 a siam bawk.

East Bengal FC Head Coach Carles Cuadrat chuan Mark Zothanpuia chu player naupang, mizia tha tak tak nei a ni tih sawiin, Mark-a pawhin East Bengal a zawm thei chu a lawm thu a sawi bawk.

Comments

Popular News (Last 30 Days)

Serchhip DCSO sawn a ni