UG Exam Result chhuak ah za zela 66.14 an pass

Zonuna Kawlni /

Mizoram University (MZU) hnuaia Under-Graduate (UG) Exam Result chu nimin khan tihchhuah niin zirlai Exam zingah za zela 66.14 in an pass a, kum hmasa a pass za zela 76.86 aiin pass percentage a chhe zawk a ni.

MZU hnuaia Under-Graduate Final Exam-ah Zirlai 14,393 exam zinga 9519 ten hlawhtlinna an chang a, heng zianga a tam ber 3586 chu Arts zirlai niin, Science zirlai 510, Commerce zirlai 363 leh Home Science zirlai 16 ten an pass bawk a ni.

Kumin hian Arts Stream-a ti tha ber chu Lalhlimpuii, Pachhunga University College niin, Science-ah Lalhriatzuala, Pachhunga University College a ni a, Commerce-ah David R. Lalhumhima, Pachhunga University College niin, Home Science-ah Gracy Lalruatthari, Govt. Zirtiri Residential Science College chu pakhatna a ni bawk. He Exam-ah hian Subject 27 awmah Subject 19-a tithar ber chu Pachhunga University College zirlai niin, Subject 4-ah Govt. Zirtiri Residential Science College zirlai pakhatna an ni bawk.

Comments

Post a Comment

Popular News (Last 30 Days)

Electric current in man

Zonuna Kawlni /
Image
Nimin chhun khan Serchhip Vengchung-a cheng Lalruatdika chu a hnathawhna ah Electric in manin ZMC-ah enkawl tura hruai nghal a ni. Thudawn danin Lalruatdika s/o T. Laldanglova, Serchhip Vengchung hi Serchhip Vengchung-a Govt. M/S chhak ah mi In sakna ah Mistiri hna a thawk a, nimin chhunlai pelh hret ah khan a chung lama Iron Rod an lek chuan an In sak mek chunga kal Serchhip Entlang lam Power pekna, 11kV Line chu a fuh palh a, Electric hian a man zui ta a ni. Lalruatdika hi Serchhip damdawi In panpui nghal a ni a, nimin vek khan ZMC panpui leh nghal a ni. Nimin-a Electric in Lalruatdika a man laia a awmna Beam atang hian Electric Line hi meter 1.5 vela sang nia thudawn a ni bawk.
Kimchang zawkin »