Pisa khar sak-ah vaukhan

Zonuna Kawlni /

Tlabung-a YMA, VC leh khawtlang huap pawl dang hruaitute kalkhawm chuan an khuaa inbiakpawhna lama harsatna an tawh mek sukiang turin Signal pechhuaktu Airtel leh Jio thuneitute chu tun thla ni 29 ralhma ngeia hma la turin an phut a. Khawthlangtuipui Group YMA President Zokunga Sailo kaihhruaia Tlabung Bazar Bung-kawn-a heng khawtlang hruaitu ukhawmte hian Tlabung chu Lunglei District chhunga Sawrkar-in khawpui pangngai (Urban Town)a a pawm awmchhun ni mah se, Airtel leh Jio signal mumal loh avangin hun rei tak chhung harsatna an tawk tawh niin an sawi a. Airtel leh Jio service hmangtu ten Network chhiat vanga harsatna an tawh mek chu tun thla ni 29 ralhma ngeia sutkian tuma hmalakna a awm loh chuan heng Company-te Pisa hi kharsak an rel bakah District Consumer Forum thlenga zualko an rel bawk a ni. Hetih lai hian BSNL erawh 5G pechhuak turin an inpuahchah mek nia an hriat avangin an pisa kharsak la rel chiah lo mah se, tan la turin an ngen bawk.

Comments

Post a Comment

Popular News (Last 30 Days)

Electric current in man

Zonuna Kawlni /
Image
Nimin chhun khan Serchhip Vengchung-a cheng Lalruatdika chu a hnathawhna ah Electric in manin ZMC-ah enkawl tura hruai nghal a ni. Thudawn danin Lalruatdika s/o T. Laldanglova, Serchhip Vengchung hi Serchhip Vengchung-a Govt. M/S chhak ah mi In sakna ah Mistiri hna a thawk a, nimin chhunlai pelh hret ah khan a chung lama Iron Rod an lek chuan an In sak mek chunga kal Serchhip Entlang lam Power pekna, 11kV Line chu a fuh palh a, Electric hian a man zui ta a ni. Lalruatdika hi Serchhip damdawi In panpui nghal a ni a, nimin vek khan ZMC panpui leh nghal a ni. Nimin-a Electric in Lalruatdika a man laia a awmna Beam atang hian Electric Line hi meter 1.5 vela sang nia thudawn a ni bawk.
Kimchang zawkin »