Mizoram Police ten ruihhlo an man sa an halral

Mizoram Police te chuan nimin-a International Day against Drug Abuse & Illicit Trafficking pualin nimin khan ruihhlo an man sa thahnem tak an halral.

Mizoram Police te hian nimin khan Aizawl Zoological Park, Lungverh-ah ruihhlo hal-ralna hun hmangin Heroin kg. 12.968; Methamphetamine kg. 77.588 leh Ganja kg. 108.437 te bakah Cough Syrup bur 100 an halral a, heng an halral te hi Rs. 14,03,25,585/- hu nia chhut a ni. Nimin vek khan District Hqrs. hrang hrangah te pawh Ruihhlo halralna hun hi hman a ni bawk a, a vaiin Mizoram pumah Heroin kg. 41.446; Ganja kg. 124.965; Methamphetamine kg. 150.242; Crystal Meth kg. 36.251; Cough Syrup bur 100; Alprazolam tablet 6 leh Opium kg. 2.918 halral a ni a, nimin-a Police ten ruihhlo an halral hi a vaiin Rs. 1,40,79,97,842/- hu nia chhut a ni.

Mizoram Police te hian kumin January thla atanga June 24, 2024 thleng khan Heroin kg. 48.882 man tawhin Rs. 14,66,46,000/- hu zet nia chhut a ni a, thubuai 174 ziaklutin mi 235 man an nei tawh a. Ganja kg. 122.094 manin thubuai 9 an ziahluh ah mi 12 an man a, Methamphetamine kg. 89.445 an man ah thubuai 9 bawk ziaklutin mi 15 man an nei bawk a. Crystal Meth pawh kg. 13.49 manin thubuai pahnih an ziahluh ah mi pahnih an man tawh bawk a ni.

Comments

Popular News (Last 30 Days)

Serchhip DCSO sawn a ni