Balu khur chim-ah mi 3 boral

Champhai District chhunga awm Melbuk khua ten Balu an lakna thin, Tiau lui kama awm chu nimin chawhma dar 11:00 vel khan chimin helai hmuna hnathawktu mi 4 te chu a chhilh a, an zinga mi pathum- Lalmalsawmdawnga (16), Melbuk; Lalmuankima (18), Melbuk leh Laltandika (20), Saikhua, Tahan (Myanmar) te chu boralin midang pakhat hian hliam a tuar a, Champhai District Hospital-ah enkawl a ni. Thudawn danin Balu lakna hmun hi ft. 40 vela thui niin ft. 6 vela thuk leh ft. 7 vela zau a ni a, Balu an lak lai hian chimin a hmunah mi pahnih boralin hliam pahnih te damdawi In panpui an nih laiin pakhat a boral ve leh a ni.