Town Development Committee in CM an kawm

Serchhip Town Development Committee (STDC) hruaitute chuan nimin khan Chief Minister leh Bialtu MLA Lalduhoma chu a Pisa-ah kawmin Serchhip khawpui hmasawnna tur thil pawimawhte an sawipui.
Nimin-a he inkawmna ah hian STDC hruaitute chuan Chief Minister hnenah hian Leisekawt Mual puitlin tura hmalak chungchang te, Nursing School hman tangkai dan tur te, Serchhip Venglai-a PWD hmun luah mek leh AOC Veng-a Soil Department ram tangkai zawka hman dan tur te, Eklavya Model Residential School panna kawng siam chungchang te leh District Jail tih changtlun dan turte an sawi a. Chief Minister hian District Jail sak that nan hian cheng nuai 330 chu SASCI atanga dah a nih tawh thu leh District Jail pariat (8) lai sak that tura hmalak mek a nih thu a lo hrilh a ni.

Heng bakah hian Chhiahtlang daia Supply Godown sak tawh hman tangkai loha la awm chungchang te, Chhiahtlang dai vek a ITI Office leh Bukpui-a Social Welfare Office a taka hman theih dan tur bakah Sailiamkawn a Mizofed enkawl Petrol Pump a awm theih nana 132 KV Line sawn chungchang te pawh he hunah hian sawiho a ni.

Sawrkar thuchhuah tarlan danin Chief Minister hmalakna hian Bawngchawm khaw hlui hmun a Paragliding Take off Point kawng PCC turin teh mek a ni a, World Cup thlen hma ngeia zawh tura tih a ni. District Hospital-a Ultrasound chhia chu thlak tura tih mek ni bawkin, Hospital building thar tur hi a design siamthat leh mek niin CSR sum cheng vbc. 21 neihsa in a daih dawn loh avangin mamawh belh hi CSR bawka dap a tum thu Chief Minister hian a lo hrilh bawk a. Serchhip chu Mizoram District zinga Press Club nei chhe berkan nih tawh avangin Press Club sakna tur pawh ngaihtuah anih tur thu sawiin, MHIP Golden Jubilee lawmna atan cheng nuai 2 a pek tur thu a lo hrilh bawk a ni.

Comments

Popular News (Last 30 Days)

Serchhip DCSO sawn a ni