Lenkawl

Serchhip-a Horticulture Department chuan Serchhip Zawlpui phai-a Thlasik thlai chingtute hnenah Inrinni khan Thlai chi chi hrang hrang Rs. 6,08,000/- hu an semchhuak a.

Mizoram Maxi Cab Owners Association Sub-Hqrs. Serchhip chuan thuchhuah siamin MMCOA General Hqrs. in June 1 a\anga hman \an tura rate a siam, KM khat zelah Rs. 3/- chu Vawiin, Oct. 8, 2018 a\ang hian an hmang \an dawn tih an tarlang a.

Baptist Church of Mizoram (BCM) chuan nimin Pathianni hmang khan hmun hrang hrangah Pastor Bial inkhawpui an nei a, Serchhip-a Pastor Bial pahnih, BCM Serchhip Pastor Bial leh BCM New Serchhip Pastor Bial te pawhin inkhawmpui hi an nei a ni.

Central YMA chuan Dan lova din Chakma Autonomous District Council (CADC) chu Dan anga \hiah a nih theih nan hma la zelin tunkar Nilaini hian Mizoram hmun hrang hrangah kawng-zawh neih nise an ti a. He kawngzawh hi Ser-chhip-ah pawh neih tura ruahman a ni.

Central K|P in ruahmanna a siam angin Inrinni khan Mizoram pumah K|P member ten \awng\ai rualna an nei a, Serchhip-ah pawh Lei-sekawt Mual-ah |awng\ai rualna hi Chhimchhak Presbytery huapin neih a ni.

MZP General Hqrs. chuan Bairabi Zophai hmuna Zofate Chawlhbuk sak tuma hnatlang te Assam Police in an tihbuaina a hliam tuarte leh thil bo te chhawmdawlna tura Vehbur a khawn te chu Inrinni khan an semchhuak.

Mizoram Legislative Assembly inthlanpui chu November 28, 2018 (Nilaini) hian neih a ni dawn a, he vote inthlanpuia  tla te hi December 11, 2018 (Thawhlehni)-ah chhiar a ni ang. Mizoram State Assembly inthlanna neih tur puan rual hian State 4-a inthlanna neih dan tur pawh puan nghal a ni bawk.

Sawrkar laipui hmalakna Pradhan Mantri Awas Yojona (PMAY)-Housing for All (Urban) hnuaia In sak \anpuina diltu chhungkaw 404 te hnenah Ningani khan \anpuina sem a ni a, \anpuina semna hun Serchhip Auditorium-a neih a tarlan a nih danin heng \anpuina sum dawngtute chuan 30 sqm-a zau In an sa ngei tur a ni a, In an sak chhung hian satellite hmanga thlalak (Geo-Tagging) vawi 5 neih tur niin, \anpuina sum Rs. 1,50,000/- \heuh dawngin hei hi installment 3-a pek tur a ni dawn a, beneficiaryte Bank Account ah a tah tawla dahluh sak zel an ni ang.

Tunkar Nilaini leh Ningani-a Serchhip District chhunga NEDP Multimedia Campaign neia zin MJA Serchhip District Member 7 te chuan Biate, East Lungdar leh North Vanlai-phai an tlawh hnuah niminpiah tlai khan Ser-chhip an rawn thleng leh ta a. Heng khua an tlawhna ah te hian Faina kawnga Biate hmalakna te, Biate khaw chawmna tura tui lakna te, East Lungdar, Leng leh Sailulak khua te tana tuilak hna thawh tura harsatna awm te bakah North Vanlaiphai leilet-a Agriculture Department in hma an lakna te an tlawh a ni.

Serchhip District Magistrate, Sangchhin Chinzah chuan Vawk hri leng avanga Serchhip District mipui ten harsatna an tawh loh nan Serchhip District chhungah Vawk leh Vawksa a\anga thil siam reng reng lakluh khapna a tichhuak.

Taxation Department, Serchhip Zone buat-saihin nimin khan Serchhip District-a Drawing and Disbursing Officer (DDO) te tan Tax Deduction at Source (TDS) chungchang zirhona buatsaih a ni.

Serchhip-a AH&Vety Department chuan nimin khan NLUP-NEDP Convergence Scheme Phase III hnuaiah ran vulhtute hnenah \anpuina sum a thawhkhatna atan an semchhuak.

Nimin khan Serchhip DC Conference Hall-ah Serchhip District tana ‘Beti Bachao Beti Padhao Programme’ (BBBP) hawnna neih a ni a, Serchhip District Bawrhsap, Sangchhin Chinzah chu khuallian niin he Progrmme hi a hawng a ni.

MPCC President leh Chief Minister, Lal Thanhawla chuan, “Inthlan a hnai tial tial a, Congress kan pung tial tial a ni,” a ti.

Nimin khan Aizawl-a Mizo Hnam Runah 'Special Programme' hmangin MPCC General Secretary hlui leh MLA a\anga bang ta, Lalrinliana Sailo leh midang \henkhat te MNF-ah lawmluh an ni a. He hunah hian MNF President, Zoramthanga bakah Home Minister a\anga bangta, R. Lalzirliana te pawhin thu an sawi a ni.

Mizoram NGO Coordination Committee chuan mahni duhthu ngeia Mizoram a\anga chhuak Tuikuk Tripura Transit Camp-a awmte Mizo-rama an lo let leh theihna tura inremna siam ah an lo let theih hun hnuhnung ber a liam hnuah lo let duh pawh awm leh mah se rem an ti tawh loh thu leh inremna ang hian kaltlangpui nise an duh thu an sawi a.

MJA Serchhip District Member te chuan Serchhip District chhunga sawrkar hmalakna te tlawhin Vawiin a\ang hian NEDP Field Visit an nei dawn a, tukin dar 6:30 hian Serchhip Bazar a\anga chhuakin Biate an pan anga, East Lung-dar leh Biate tuilakna bakan Biate in Faina-a hma an lak dan te enin naktuk-ah North Van-laiphai Leilet-a sawrkar hmalakna te an tlawh leh bawk ang. Heng MJA Member te hi Serchhip District I&PRO, K. Saitluanga chuan hovin naktuk tlai lamah an rawn kir leh ang.

Mizoram Maxi Cab Owners Association te chuan sawrkar laka an thilphut nawrna atan Vawiin a\ang hian tiamchin awm lova an service tihtawp an tum thu an sawi a. Mizoram Maxi Cab Owners Association (MMCOA) Sub-Hqrs. Serchhip pawhin he nawrhna hi an thlawp dawn.

UPC (NEI) chuan hnuaia Penticostal Youth Department (PYD) te chuan kumdanga an lo tih tawh \hin angin nimin khan Vantlang tana thil \ha tihna Ni, Social Work Day an hmang a, Serchhip-a PYD Member te pawhin nileng hnatlang neiin hun an hmang.

Zoram Thar chuan kumin-a Assembly inthlanpui neih turah Mizoram-a Assembly Constituency 40-ah Candidate an neih dawn thu sawiin, Serchhip bial-ah an President, Rev. Dr. Zaichhawna Hlondo chu a din dawn thu an sawi.