LR&S hmalakna thlirho

Land Revenue and Settlement Department hotute chuan nimin khan Revenue Minister B. Lalchhanzova hovin a Pisa-ah an Department hmalakna leh hmachhawp te thlirin thutkhawm an nei a, Revenue Department-a thawktu indaih loh phuhruk dan tur te, mimal ram buai chinfel ngai te, sawrkar ram mumal taka chhinchhiah zel dan tur te, Department dang nena thawhho zel dan tur leh sawrkar sum hnar tihchak dan tur bakah thu pawimawh hrang hrang 31 zet an sawiho a ni. He hunah hian Revenue Minister chuan Revenue Department dawrtu ten Department a thawktute an fakna thawm a hre ta fo chu hmasawnna nasa tak nia a hriat thu sawiin, thawktute chu tan la zui zel turin a chah a. LR&S Department chu Department inrelbawlna ruhrel siamthat leh mipui service tihhmasawnna lama thawk tha ber pawl a nih mek thu sawiin, hmasawnna tur tam tak erawh a la awm thu sawiin, thawktute chu tang mar zel turin a chah bawk a ni.