Inrinni kaltaa Tuichang lui, Khawlailung leh Hmunzawl inkar-a chesuala tui-a tla Zoramchhana chu nimin zing khan a ruang hmuh niin nimin vek khan vuiliam nghal a ni. Kum 39-a upa Khawlailung khaw mi Zoramchhana ruang hi a tlakna atanga lui mawng lam KM hnih vel-a hla a Ngar an hem-ah lo tangin nimin zing dar 5:30 vel khan hmuh a ni a, a ruang hi lakchhuah a nih hnuah nimin khan an chenna In-a lain vuiliam nghal a ni. Tarlan tawh angin Zoramchhana hi Inrinni khan Hmunzawl a dah tur Cement phurin an kal a, tui in Lei a chim dan vel enfiaha a dai-na ah chesual palhin tui-ah hian a tla ta a ni.
