Mizo 2 telna India Champion

Tun thla ni 4 atanga khelh Women's Hockey Junior Asia Cup 2026 chu Pathianni khan zawhfel niin Mizo tleirawl pahnih telna India Team chu an Champion a, India Team te hian Final-ah China hnehin a tum thumna atan he inelna ah hian an Champion a ni. He inelna hi Moqi (China)-ah khelh niin ram 10 an tel a, India hi Elite Pool-ah awmin match 4-ah tum thum chakin Quarter Final an lut a, Quarter Final-ah Pakistan sawpin Semi Final-ah South Korea an hneh leh hnuah Final-ah China an hneh a. India Team-ah hian PC. Lalrinpuii  leh F. Lalbiak-siami te telin Thenzawl-a Women’s Hockey Academy atanga inzirchhuak ve ve an ni.